Почетна · Календар на цветање
За медот
Што цвета кога
Објавено
Од леската во февруари до лисичјата опашка во октомври: што цвета во Македонија секој месец и што од тоа пчелите носат во кошницата.
Сите растенија на еден поглед
Секоја лента е едно растение, а секое квадратче е еден месец. Тековниот месец е означен.
Месец по месец
Јануари
Ништо не цвета.
Пчелите стојат збиени во клопче и се грејат една со друга. Кошниците не се отвораат до пролет.
Февруари
Леска и евла, а кон крајот и дрен.
Првиот потопол ден е и прв излет, и пчелите се враќаат со полен на нозете.
Март
Дрен, врби, џанарика.
Со свежиот полен матицата несе сè повеќе јајца, па семејството расте.
Април
Глуварче, врби.
Кошницата брзо се полни. Кон крајот на април почнува и роењето, кога дел од семејството заминува со старата матица да бара нов дом.
Мај
Багрем, бела детелина, мајчина душичка, жалфија, црн слез.
Почнува големата паша. На повисоко, како кај нас, багремот доцни.
Јуни
Липа, капинка, драка, тимјан, магарешки трн, коњска детелина, ливадска жалфија.
Најмногу растенија цветаат одеднаш.
Јули
Магарешки трн, коњска детелина, лисичја опашка, дива жалфија, златошипка.
Кон крајот на месецот пашата слабее.
Август
Дива жалфија, златошипка, магарешки трн.
Цвета малку, па пчелите сè повеќе трошат од она што го собрале во летото.
Септември
Коњска детелина, црн слез, лисичја опашка.
Семејството се смалува и се подготвува за зима.
Октомври
Лисичја опашка до првиот мраз, бела детелина.
Последен полен пред зимата.
Ноември
Цветањето заврши.
Пчелите повторно се собираат во клопче.
Декември
Ништо не цвета.
Кошниците мируваат до пролет.
Што значи ова за ливадскиот мед
Во ливадскиот мед завршува сè што цвета на ливадите од пролет до лето: детелината, мајчината душичка, жалфијата, магарешкиот трн и десетици други растенија. Затоа секоја берба има малку поинаков вкус и боја. Разликата од багремовиот и шумскиот мед е објаснета во видови на мед.
Датумите се просек за Македонија, според податоците на pcela.mk. На повисоко, како кај нас во Дивље на 700 метри, цветањето обично доцни, а секоја година зависи од времето.
Прочитај и: Како живее пчелното семејство · Од кошница до тегла · Пчелен полен